「亞洲皇後」憑借《3日2夜》成功彈出,入行5年大細通吃

「亞洲皇後」陳約臨(Kelly)憑借《3日2夜》成功彈出,雖然唔係TVB親生女,因為勤力唔驚辛苦,大細節目通吃,24歲生日前同老竇夾錢買樓上車。

據悉,陳約臨好勤力,去第二度做fashion week,一腳踢化妝set頭都係自己搞掂,試過有次喺法國做fashion week,佢病到七彩又發燒,都繼續做嘢,好專業。佢近年接多咗好多主持job,加上勁慳,所以儲到錢畀首期。

就連陳約臨24歲生日,佢都未好似以前一樣去旅行,而留喺香港靜靜雞慶祝生日。

據悉,陳約臨有一位拍拖接近五年嘅外籍男友,較早前畀調職喺日本工作,陳約臨經常去日本探男友,因此佢開始學日文同當地人溝通。

身邊朋友透露:「佢諗住有機會嘅話,做埋日本時裝周,如果識日文,做嘢會方便好多,佢乜都係以工作出發,好似一個星期做足五日運動,都係想出鏡時靚啲,工作第一,好想搵多啲錢。」

發表回覆

你的電郵地址並不會被公開。