「亞視謝霆鋒」撈唔掂,為養家轉行揸巴士

「亞視謝霆鋒」伍偉樂自從2016年亞視熄機之後回復自由身,熱愛足球嘅佢曾經喺2018年獲ViuTV邀請主持世界盃節目,不過之後佢未有太多幕前演出機會,所以大幅減少幕前工作。

呢排,伍偉樂喺社交平臺上分享咗一張自己嘅九巴職員證,唔少網民都以為佢接到新戲,但佢回覆網民話:「為咗養家轉行揸巴士,我揸緊11B線。」

據悉,伍偉樂之前主要靠擔任婚禮司儀同埋活動主持維持生計,直至呢排因為疫情關係令到大部分活動取消,所以轉行另謀出路。

不過伍偉樂表示并冇放棄幕前工作,如果有機會嘅話,即使唔收酬勞都會參與。

伍偉樂喺2015年同圈外女友結婚,宜家已經係4條「化骨龍」嘅老竇,佢受訪時表示經濟負擔頗重!伍偉樂更坦言:「由于有時開資太大,宜家面對入不敷支嘅情形,要靠屋企人接濟。」

Like MisshkNews Facebook!不出门也能知天下事~

發佈回覆

你的電郵地址並不會被公開。