「喜事不斷」前港姐尋晚慶祝完生日,今日突然間宣布結咗婚

前港姐朱千雪同一班好姊妹湯洛雯、岑杏賢、張嘉兒同蔣家旻,喺尋晚同佢慶祝生日,佢哋除咗送上生日氣球、蛋糕同鮮花之外,4位靚女仲向朱千雪送上飛吻。

今日朱千雪喺社交平臺分享尋晚嘅相,佢仲留言∶「Every year,my friends spoil me by giving me their time,love and attention. Thank you!」

尋晚嘅生日相曬出之後,唔少圈中好友紛紛留言祝賀壽星女,例如蔡思貝、陳凱琳、陳自瑤、黃翠如等人,個個都送上祝福,可見朱千雪人緣唔錯。

朱千雪今年6月同拍拖5年嘅醫生男友吳昆倫入紙結婚,靜英英同男友吳昆倫籌備婚事,今日佢喺IG宣布結咗婚,朱千雪話同吳昆倫一出世就識,佢哋媽咪當時住喺同一間病房,佢同吳昆倫相隔3日出世。

咁多年嚟,佢哋屋企人一直保持聯繫,一齊慶祝過好多年嘅生日,青梅竹馬長大,佢哋目前準備結婚生小朋友,建立一個屬於佢哋嘅家庭。 

朱千雪系2012年香港小姐季軍,深得觀眾歡迎,宜家喺城市大學修讀法律博士學位課程。

朱千雪同醫生男友吳昆倫喺2017年畀發現同游新加坡,朱千雪大方承認戀情,曾經講過兩家人系世交,系青梅竹馬好朋友,佢更大贊吳昆倫系好男仔,可以令朱千雪完全放低戒心,兼顧事業同愛情。

最後,點都好,都係恭喜朱千雪覓得如意郎君,揾到屬於自己的幸福。

Like MisshkNews Facebook!不出门也能知天下事~

發佈回覆

你的電郵地址並不會被公開。