「垃圾蟲港姐」未紅先串,爛蒲拜金見仔就電

《2020香港小姐競選》將喺本月底舉行,當中現年20歲嘅賴琦媛(IVY)初選時有Benz接送,事後佢豪氣噉指「Benz唔係名車」,因此而畀網民封為「寸嘴IVY」!

人紅自然是非多,賴琦媛接連畀網民翻出黑歷史,指佢「女大十八變」,短短幾年由眼細同包包面變成大眼瓜子臉,身材又連升幾Cup,畀質疑整容,又踢爆佢爛蒲拜金見仔就電。

呢日,記者影到賴琦媛坐車去TVB期間,見到賴琦媛喺車入面食煙,而且對手全程伸出車窗之外,任由煙灰散落馬路上,懶理亂揼垃圾會畀罰款1500蚊,順手將煙頭扔出個窗,毫無公德心!

等賴琦媛做完嘢之後,「名車中佬」返TVB接賴琦媛,當記者上去影相嘅時候,中佬表現得鬼咁驚青,賴琦媛就一面愕然頻,定神之後佢先尷尬同記住打招呼,問到對方係咪男友時,佢口窒窒話:「唔係,係屋企人嚟。」

再追問係咪其父,賴琦媛就話:「屋企人嚟,唔好影啦!」中佬見到亦急急護花,自稱并非賴琦媛男友,佢哋之後雙雙上樓,逗留約半個鐘,中佬先獨自離開。

事後,記者問到港姐監制陳旭亮會唔會對賴琦媛作出訓示或者勸喻時,佢表示:「我了解情況先,如果確有此事,梗係會勸喻。進入初選嘅佳麗,大會已經明確表面要佢哋注意自己嘅言行。」

Like MisshkNews Facebook!不出门也能知天下事~

發佈回覆

你的電郵地址並不會被公開。