「撞名港姐」備受力捧,連續三套劇斗演技

TVB不嬲好重視香港小姐選舉,而且香港小姐選舉係每年TVB嘅一大盛事,亦都係TVB培養新人最佳途徑。以往榮獲三甲嘅港姐都會直接簽約做「TVB親生女」。

相比之下,2019年港姐冠軍黃嘉雯當選之后,好似人間蒸發一樣,幾乎冇任何演出,凈係喺一啲慈善節目見過佢嘅蹤影。

外界傳出,冠軍黃嘉雯只係得榮譽稱號嘅港姐,絲毫得唔到TVB嘅重視,而另一位同屆嘅亞軍王菲顯得與眾不同。

據悉,王菲喺未卸任港姐之前,已經有份參演兩套重頭劇《刑偵日記》同《兒科醫生》,論發展機會同出鏡率,已經跑贏同屆嘅冠軍黃嘉雯、季軍古惠玲,睇嚟TVB有心力捧王菲上位。

作為出年TVB重頭劇之一嘅《白色強人2》,王菲都有份參演,佢喺劇中飾演腫瘤科駐院醫生,據悉可以得到高層、監制嘅青睞,全因為佢喺讀書嗰陣已有做戲經驗。

而同屆嘅港姐冠軍黃嘉雯似乎就顯得有啲慘,甚至被外界話佢係近10年最黑仔港姐冠軍,幾乎坐足一年嘅冷板凳,甚至已經被大眾所遺忘。

Like MisshkNews Facebook!不出门也能知天下事~

發佈回覆

你的電郵地址並不會被公開。