「星夢一姐」首次參與拍攝重頭劇,只用咗兩年擊敗吳若希

呢幾年TVB熱衷炒冷飯,一直開拍經典劇集續作。例如而家熱播嘅《降魔的2.0》,已經殺青嘅《踩過界2》、《使徒行者3》、仲有今年開拍嘅《BB大晒》、《金宵大廈2》、《白色強人2》,真係各類續集陸續有嚟。

不過相信大家最關心嘅一定係劇本質量,好似年初播完嘅《法證先鋒IV》,雖然攞得年度收視冠軍,但就備受網絡差評,口碑極差,大部分觀眾都係一邊追劇一邊彈,包括MissHk都係一樣。

當然唔係全部續集都係咁,好似正在熱播嘅《降魔的2.0》出街以嚟備受好評,仲被譽為係TVB呢幾年拍得最好嘅續集,所以一部續集要想成功,真係要喺劇本上下功夫,噉先可以延續經典。

而TVB呢排宣佈開拍新劇《刑偵日記》(原名:《刑事偵緝檔案5》),由惠英紅、王浩信、袁偉豪、黃智雯、姜皓文、黎諾懿等人,演員陣容認真強大。

而「星夢一姐」菊梓喬(HANA)呢次都獲得公司安排參演,現場仲獲得星夢公司老闆何哲圖現身支持,據悉佢喺劇中飾演一個網絡編輯,呢個角色同佢本人喺生活形象好似樣,包括日常穿衣風格,係屬於文藝青年路線。

而菊梓喬更表示呢次係佢首次正式拍劇,其實佢之前喺《救妻同學會》、《解決師》都有客串演出,但就冇臺詞得幾鏡頭,呢次佢算係首次正式拍劇,一齊嚟期待一下!

相信一直有睇開TVB劇集嘅觀眾一定會對菊梓喬唔陌生,皆因佢包辦咗大部分TVB劇集歌曲,包括正在熱播嘅《降魔嘅2.0》嘅插曲「我未能忘掉你」,都可以聽到菊梓喬嘅歌聲。

希望之後除咗可以多欣賞到菊梓喬優美嘅歌聲之外,仲可以喺電視劇上多啲見到佢嘅演出,都期待佢呢次有份出演嘅《刑偵日記》。

Like MisshkNews Facebook!不出门也能知天下事~

發佈回覆

你的電郵地址並不會被公開。