「星女郎」轉行賣蛋糕,笑言冇人想姐姐剝衫

喺疫情陰霾下娛樂圈工作驟減,唔少藝人焗住轉行,昔日「星女郎」梁敏儀亦唔例外。現年45歲嘅佢,喺1999年參選港姐入行,曾經拍攝過唔少風月片,不乏大膽牀戲。

隨著年紀大咗,梁敏儀揚言唔會再拍風月片,笑言冇人想睇姐姐剝衫,呢幾年改以登臺工為主,但喺疫情打擊下,佢為咗生計無奈轉型。

日前梁敏儀就畀發現著上制服喺觀塘一間大型蛋糕店開工,要負責招呼客人、包蛋糕、沖咖啡同收銀等工作,做到氹氹轉,全程表現熟手同專業,做到晚上7點先換衫收工。

由藝人轉做服務性行業,梁敏儀坦言初時未能放低心理包袱,尤其遇到同行嗰陣會好尷尬,不過後尾見多咗就覺得冇乜嘢,我都係做嘢啫,自己放低咗仲開心。

結婚6年嘅梁敏儀坦言收入大減要節衣縮食,好彩從事設計工作嘅老公未受疫情影響,對佢都好體貼,仲同我講如果做得太辛苦就唔好做。

問到將來有乜打算?梁敏儀坦言仲係未知之數,但一定要有一技之長,計劃讀咖啡課程自我增值,希望將來可以開咖啡店,同時未忘演藝本業。

Like MisshkNews Facebook!不出门也能知天下事~

發佈回覆

你的電郵地址並不會被公開。