「最索星二代」沈月發育超好，盡騷豐滿上圍

「最索星二代」沈月由細到大一直備受網民同傳媒關注，皆因佢遺傳咗媽咪邱淑貞嘅強勁優良基因，散發出迷人魅力、另外樣貌同身形同樣出眾。

呢日，沈月為珠寶品牌拍攝一輯廣告，佢以兩個唔同造型上陣，其中一套係粉紅色吊帶裙，盡騷豐滿上圍，加埋甜美笑容，性感得嚟又充滿少女味。

另外，沈月喺社交平台分享廣告片，見到佢將珠寶穿戴到身上，側身、正面豐滿曲線，與及一顰一笑，畀人彷佛睇到邱淑貞嘅錯覺。

沈月先前受訪時透露，雖然自己個性內向，但好中意唱歌跳舞，所以想同媽咪一樣出道做藝人，睇嚟佢接拍呢支廣告，應該係為咗幕前演出試水溫，唔理點樣希望佢早日正式出道，期待佢嘅表演。