「最醜樣港姐冠軍」狠撇男友,火速轉食鬼佬

雷莊兒喺2017年當選香港小姐冠軍之后,畀唔少網民狙擊,話佢係歷屆最醜樣香港小姐冠軍,但佢懶理負評并喺社交平台留言不在乎其他人唔鐘意佢。

雷莊兒仲表表香港唔適合自己,決定履行港姐冠軍職務之后,就返加拿大繼續做模特兒同演藝工作。

從唔介意人哋眼光嘅雷莊兒,同樣冇收起感情事,佢經常喺社交平台曬出同牙醫男友Hanmin嘅恩愛相。

直至今年3月30日,雷莊兒喺社交平台分享一張同Hanmin相擁嘅黑白照,并留言多謝對方進入佢生命的這一章,最初朋友仲以為佢哋有好消息宣布,原來係宣布兩人結束戀情,亦見Hanmin喺貼文中按讚。

事后雷莊兒繼續喺社交平台分享日常動態,當中有唔少性感相、運動相同工作相,心情似乎未畀分手所影響。

到咗今年7月頭雷莊兒宣布又有新戀情,見到佢肉緊咁攬住外籍型男同嘟嘴獻吻。

新歡Matthew係一個演員,攪笑、正經任何路線都可以演繹,相信佢百變鬼馬嘅性格吸引到雷莊兒,尋晚再喺社交平台分享一張12格相,見到佢同男友做出多種唔同鬼馬表情同咀咀嘅畫面,相當煙韌。

雷莊兒又喺社交平台留言話:「I love you show much. Happy 6 months my love。」屈指一算,當雷莊兒喺社交平台宣佈同舊愛分手嘅時候,新歡已經喺佢生命中出現。

Like MisshkNews Facebook!不出门也能知天下事~

發佈回覆

你的電郵地址並不會被公開。