「混血女神」偷食車震樣樣齊,而家再食港姐條舊菜

現年31歲嘅「混血女神」裕美出道17年,事業遠不夠感情生活精彩,2016年佢畀記者爆出背夫偷食「TVB小生」黃子恒,形象、事業一度直插谷底。

不過,呢兩年裕美已經重新出發,同外籍男友Alex分手之後,再火速同十優港姐冠軍麥明詩舊愛林作撻著,但佢哋依然拒絕公開認愛。

不過,記者尋晚目擊裕美同林作撐枱腳之後,拖手仔離開,有片有真相,拖手斷正嘅裕美畀追問戀情時更笑到「腰果眼」,甜蜜到痹。

記者上去追問林作係咪拍拖,佢連聲否認話:「唔係唔係唔係!食飯之嘛!」記者指目擊佢哋拖手仔,唔通都唔算拍拖?裕美就笑得好開心,但就耍手拒絕回應拍拖。

林作同裕美搭獵到停車場攞車,記者恭喜林作,林作竟然口快快回應:「多謝多謝。」

現年30歲嘅林作,2017年佢同麥明詩正式分手之後,同年年尾去同裕美一齊出席麥玲玲飯局而相識,林作當晚一見裕美已經嗒糖,有傳之後林作經常發訊息冧裕美。

2018年10月裕美曾經邀請過林作為佢直播節目做嘉賓,林作忽然對住鏡頭話:「我今晚上嚟係想教大家一堂,叫做橫刀奪愛,絕對冇問題!我阿媽細個就教我:『中意嘅,就去搶!』」

Like MisshkNews Facebook!不出门也能知天下事~

發佈回覆

你的電郵地址並不會被公開。