「清纯张栢芝」約滿離巢,告別作相當出位

「清純張栢芝」楊埕喺舊年3月份約滿離巢,而劇集《失憶24小時》就係佢嘅告別作。喺劇中飾演Coco嘅楊埕,雖然戲份唔多,但佢同黃建東嘅一場車震戲卻相當出位。

楊埕仲喺留言話:「作為一個演員,假如遇到一個好角色,豁出去係必然嘅。最轟動嘅錫係,錫到個嘴都幹曬~有人呷醋嗎?」

現年27歲嘅楊埕曾經喺2014年參選港姐,畀外界封為「清純張栢芝」,不過因為前公司合約問題而退選,翌年佢代表香港參加《國際小姐競選》。

直至2017年楊埕簽約TVB,首部參與拍攝嘅劇集就係TVB重頭劇《再創世紀》,飾演周勵淇嘅秘書!

之后楊埕喺《白色強人》、《十二傳說》、《兄弟》等都有份演出。另外佢喺舊年出街嘅《使徒行者3》中,喺首集出場嘅楊埕飾演臺妹二寶,佢喺拍攝前苦練閩南話,更獲林峯親自指點!

除咗發展演藝事業之外,楊埕早喺2017年就投資過百萬,同好姊妹一齊開美容院,但最后竟然畀好姊妹掠水。

楊埕曾經喺接受訪問時表示有陰影:「而家唔夠膽做生意!因為我第一次做生意嘅時候,同好姊妹做過美容院,一齊投資,但后來俾人呃咗。」

不過楊埕喺2019年年頭就宣布再戰商界,投資六位數開設制作公司,而佢喺舊年離巢之后就集中精力搞好公司,搖身一變成為女強人!

可惜事業得意,愛情失意,舊年6月份楊埕突然畀爆出同男朋友Marco發生糾紛,之後更因為涉嫌傷人被捕,雖然最后雙方都唔起訴,單嘢已經平息。

 事后,楊埕講到當時男友Marco酒后失控,用刀鎅佢塊面,令佢面上留低疓,要化妝遮蓋,坦言身心受創甚至抑鬱,更痛失唔少工作機會,好彩喺屋企人同好友嘅鼓勵下行出低潮。

唔理點樣,今年1月份楊埕宣布改名,將原本嘅英文名Sabrina改為Terra,重新出發!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *