「港姐2020」十二強誕生,大熱佳麗喊住畀淘汰

今年由於疫情施虐,《2020香港小姐競選》由電視直播改由網絡直播,日前更加喺一眾候選佳麗中,透過多輪才藝比拼選出咗最後16強佳麗進入決賽。

尋日(8月17日)最後12強佳麗誕生,有3位佳麗被淘汰,分別就係侯嘉欣張盈悅以及負面新聞多多嘅「寸嘴Ivy」賴琦媛齊齊被淘汰,無緣晉級決賽。

大熱佳麗侯嘉欣當知道自己落選之後喊住畀淘汰,佢坦言有啲激動啦,估唔到自己會出局,因為覺得自己今次表現得唔錯。

記者問到有冇受到「拉票風波」影響?侯嘉欣坦言都會有一啲,除咗啲新聞之外,可能係自己嘅樣貌唔夠靚啦。

「寸嘴Ivy」賴琦媛由參選到而家一直備受網民負評,佢話自己先20歲,冇話輸或者係贏,話唔定明年自己會再參加,希望將來有緣再見。

重有一位專登從美國返香港參選嘅張盈悅,佢話自己輸喺進入比賽狀態比較慢,但冇因為畀淘汰而覺得可惜,認為可以入圍已經係好光榮。

最後一齊嚟睇港姐12強嘅佳麗名單:謝嘉怡、郭柏妍、陳煦凝、羅雪妍、廖慧儀、鄺美璇、何孟珊、源菲然、麥詩晴、黃婉恩、陳楨臺同謝恩靈。唔知道大家又睇好邊位佳麗奪冠呢?

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *