「落選港姐」大晒踩單車靚相,點知道…

「落選港姐」黃婉恩(Yancy)日前喺社交平台大曬踩單車靚相,兼同「鹹蛋黃」開心合照,又留言話事隔10年再做「車手」感覺良好。

黃婉恩點知道再做「車手」就樂極生悲,更傷到右腳後㬹斷筋要入院做手術!

事后黃婉恩講到事發經過,佢话:「當時愈踩條路愈窄,就喺呢個時候有單車迎面而嚟,因為我唔想撞到佢,就選擇撞埋柱度,一撞成架單車反咗,右腳後㬹一嘢撞落後轆,真係超痛!完全行唔到!坐咗地下好耐,最後Call白車入院。」

黃婉恩更自爆原來2年前同樣有斷筋「經驗」,呢次就右腳,可以話平衡番!左腳宜家有2吋疤痕,但呢個位應該冇乜人留意到。

講到黃婉恩,其實佢同時下港女一樣,鐘意名牌,鐘意周遊列國,坐遊艇出海等,過住上等人生活,而且佢仲係甫士王,佢經常影相放喺IG晒火辣身材。

今年黃婉恩雖然落選港姐落,但佢為咗發明星夢,佢更辭咗銀行筍工,仲曬出多張派散水餅嘅相,多謝一班同事照顧咗自己3年咁耐,更公佈已經加入TVB呢一個大家庭。

唔理點樣,都係希望黃婉恩喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。