「貼地港姐」獲緋聞男友帶挈,成功埋有錢人堆

「貼地港姐」馮盈盈、江嘉敏因為一次富二代船P割席收科,姊妹情不再。之后江嘉敏靠好姊妹林凱恩搭路識得另一位富豪嘅女友,得以保住攀上上流社會嘅機會。

另一邊馮盈盈亦唔輸蝕,佢獲緋聞男友鄭衍峰大開綠燈,鄭衍峰帶住馮盈盈出席家族擁過億物業的有米老友Reeve嘅生日會,令馮盈盈成功埋有錢人堆。

Reeve家族較早時先以3.3億出售持貨70年嘅旺角單幢物業,絕對係隱形富豪。

至於Reeve嘅女朋友就係胡美貽,佢原來同馮盈盈一樣係港姐出身,而且佢仲係馮盈盈師妹,佢曾經主持過《3日2夜》,兩年前更獲得有米爸爸打本一百萬開榴連主題甜品店,現時已經係3間分店嘅事頭婆。

有消息指馮盈盈喺生日會上主動埋身同胡美貽撈熟,輕易就同對方成為好姊妹。

唔知道係咪因為外界形容緋聞女友馮盈盈「埋有錢人堆」,鄭衍峰半夜4點嗰陣突然發貼話:「半夜總係特別易諗太多!」,暗指有人過分想像。

至於馮盈盈亦懶理有關報道,尋日佢喺社交平臺發文,宣傳主演嘅劇集《反黑路人甲》,提醒大家記得今晚2130睇《反黑路人甲》大結局。

Like MisshkNews Facebook!不出门也能知天下事~

發佈回覆

你的電郵地址並不會被公開。