「貼地港姐」突然宣佈約滿離巢,嚇到網民…

「貼地港姐」馮盈盈(FYY)喺2016年參選港姐攞到冠軍而入行,演藝事業發展順利嘅佢,突然喺社交平臺宣布「完約離巢、回復自由身」。

 馮盈盈言論一出即刻嚇到唔少網民,以為佢決定離開TVB,都有粉絲話支持佢嘅決定。其實馮盈盈係標題黨,話唔係離開TVB,而係離開租咗五年嘅舊居。

馮盈盈仲返舊屋單位拍片留念,自言首次處理退租、搬屋同執屋事宜。佢更自爆全屋最值錢係枱上嘅16隻酒杯,當中有幾隻酒杯,每隻價值過千蚊,為咗唔浪費,佢更曾經將酒杯當湯碗飲湯。

除咗酒杯,馮盈盈最愛嘅仲有佢價值一萬幾蚊嘅真皮梳化。佢話呢張梳化係佢喺何文田舊居搬過嚟,諗住繼續帶返新屋用。

講到馮盈盈,其實佢喺2016年參選香港小姐競選,獲得冠軍入行短短三年,已經成功獲得「飛躍進步女藝員」獎項。

馮盈盈上位速度比2013年港姐冠軍嘅陳凱琳仲快,加埋馮盈盈比起陳凱琳更有觀眾緣,喺演技上更勝一籌。

馮盈盈入行之後備受TVB力捧,劇接劇之余仲要犧牲自我,喺幕前獻身,進取攻勢表誓向「TVB一姐」目標進發。

TVB睇到馮盈盈前途無量,主要簽賣身契做「TVB親生女」,肯搏肯畀嘅佢,最近正式升呢做女主角,同視帝陳展鵬開拍新劇《逆天奇案》。

喺《#後生仔傾吓偈》上,馮盈盈幾乎成為話題焦點,經常語出驚人,爆粗口已經係常事,但反而因為咁樣,觀眾覺得佢真性情,夠貼地。

唔理點樣,都係希望馮盈盈喺之後嘅事業上可以有所成就,期待佢嘅表演,加油!

Like MisshkNews Facebook!不出门也能知天下事~

發佈回覆

你的電郵地址並不會被公開。