「貼地港姐」舊愛結婚了,表示會着到最靚去飲

「貼噉港姐」馮盈盈舊年同拍咗4年拖嘅醫生男友鐘浩文分手,當時畀爆出未掟煲之前已經同合作節目《#後生仔傾吓偈》嘅大隻主播鄭衍峰暗撻。

不過呢段「地下情」未滿一年就玩完,皆因緋聞男友鄭衍峰不滿馮盈盈拒絕公開戀情成日吵大鑊,最終搞到朋友都做唔成!

睇返舊愛鐘浩文嘅感情路就順暢得多,啱啱仲流傳出佢嘅婚照添,另外男方嘅社交平台頭像,已經更新成呢張婚照做頭像,朋友紛紛留言祝賀。

其實鍾文浩喺舊年已經放低馮盈盈,更帶新女行沙灘睇日落,同年10月份佢仲晒出一張合照,相中女子五官標緻,似係宣布有新戀情。

估唔到隔咗冇耐就流出一份同姓名「鍾文浩」嘅擬結婚通知書,報稱年齡都係相若,即惹嚟結婚疑雲,不過當時佢就否認,計番時間,睇嚟佢都係想低調保護戀情啫!

事后記者聯絡上馮盈盈,佢話:「如果鐘浩文真係結婚,到時候我會着到最靚去飲。」

Like MisshkNews Facebook!不出门也能知天下事~

發佈回覆

你的電郵地址並不會被公開。