「TVB仙氣女神」終於唔使做學生,唔該叫我郭大狀

「TVB仙氣女神」簡淑兒喺新劇《踩過界2》中飾演律師,佢話:「呢次終於唔使做學生,唔係阿女,係做大狀呀!會上庭打官司㗎,仲要做埋盲俠個徒弟添啊!Hahaha!」

簡淑兒喺TVB新劇《踩過界2》中飾演律師嘅叫郭琳,佢更自High話:「唔該叫我郭大狀!」

現年31歲嘅簡淑兒天生娃娃臉,唔怪得TVB成日叫佢做學生妹,佢個樣又真係呃得嚇人,雖然都有粉絲即叫佢「郭大狀」,但亦有網民攪笑:「妹妹仔,不如叔叔帶你去睇金魚好唔好呀?」

講到簡淑兒,其實佢8歲嗰陣跟住屋企人移民到美國生活,直到2012年先從美國回流返香港,並參加2012年香港小姐競選而入行。

直到簡淑兒喺TVB處境劇《愛·回家之八點入席》入面飾演“袁冰冰(Elsa)”一角,因為笑容甜美而備受關注。

而簡淑兒亦曾經多次被指整容,但佢本人堅稱只係受發型同化妝影響,并喺記者訪問嗰陣,即場捏鼻力證非人造以澄清傳聞,仲話佢自己應承咗父母唔整容。

呢排,簡淑兒首次參與古裝劇《一笑渡凡間》嘅拍攝,一身古裝打扮仙氣滿滿,甚至比起女主角湯洛雯更出眾,大家千祈唔好錯過。

Like MisshkNews Facebook!不出门也能知天下事~

發佈回覆

你的電郵地址並不會被公開。