「TVB宅男女神」單身一樣精彩，玩到唔記得搽防曬

「TVB宅男女神」吳千語較早前同林峯分手之後，被爆出與百億身家嘅“富三代”施伯雄拍拖，冇幾耐之後佢暗示同對方甩拖，恢復單身。

雖然感情未有著落，但佢除咗努力做嘢之外，仲有一班好朋友陪住，呢排仲一起飛去美國夏威夷旅行。

見佢又坐直升機睇風景，又著住小背心行山影靚相，玩得勁開心！但唔知道吳千語係唔係太得戚，所以唔記得搽防曬，搞到曬傷咗個膊頭，紅咗一撻，真係慘慘豬！