「TVB宅男女神」喼弗自爆驚上圍縮水,笑言所以要慢慢減

日前,「TVB宅男女神」鄺潔楹伍樂怡就一齊到主題公園,試玩新型激動游戲VR跳樓機,見到兩位女神均以清涼打扮上陣,僆妹味十足!

不過事後見到鄺潔楹玩完之後手震,佢笑說:「有少少手震,可能今朝食唔夠嘢,加埋現場太多雜音,所以我哋唔知道,一下就上咗去,一下就落來。(好彩冇爆粗?)冇,忍住,但上次拍《3日2夜》去關島玩跳傘就真系試過,因為個教練一跳就跳咗落去,成8000呎嘅高空。」

至於戴上VR眼罩之後系咪會更加驚,鄺潔楹就笑說:「都系,冇乜安全感,望唔到前面有乜嘢,有前路茫茫嘅感覺,但當時一知道點玩呢個都好興奮。」

而另一邊嘅伍樂怡就表示:「呢個乜嘢都睇唔到,成個感覺好似系任人擺布,睇唔到發生咩事。」

傾到伍樂怡最近喺到喼弗,佢就笑言:「系呀,用兩、三個禮拜瘦咗5、6磅,但未達標,其實我想減8磅。」不過見到佢大露纖腰,完全唔覺得肥,果然女神都系要力求完美。

至於理想嘅磅數,伍樂怡就表示:「差唔多110磅啦,我用跑步同飲食嚟減。(驚唔驚上圍縮水?)所以要慢慢減,突然間一減好多就會縮水。」

1993年出世嘅伍樂怡,喺滑鐵盧大學畢業之後,就返香港從事人力資源文員嘅工作,不過為咗增長自己嘅見聞,佢就參加咗2017年香港小姐競選,喺賽前就畀視為大熱門嘅佢,最後可惜落選,三甲不入,更被網民稱為「民選冠軍」。

同大多數藝人一樣,佢喺選美結束之後就入讀第29期藝員訓練班,之後就進入到TVB開始發展其演藝事業,兼夾正式簽約經理人合約,成為TVB「親生女」。

期間佢都曾參演過唔少劇集,比如《BB來了》、《是咁的,法官閣下》、《兄弟》、《廉政行動2019》等。

據悉,喺跟住落嚟嘅新劇《堅離地愛堅離地》同《BB來了2》中伍樂怡均有份演出,大家不妨一齊拭目以待!

“伍樂怡  堅離地愛堅離地”的图片搜索结果

發表回覆

你的電郵地址並不會被公開。