「TVB宅男女神」拍拖三個月，閃嫁臺灣CEO

「TVB宅男女神」莊思敏單身多年，舊年九月份宣佈同臺灣珍珠奶茶鋪頭老板Brian拍拖，呢段港臺戀發展唔夠三個月，日前莊思敏高調宣佈閃嫁臺灣CEO。

喺擬結婚通知書上，見到Brian嘅中文名叫楊秉逸，職業報稱為公司董事。比男朋友細一年嘅莊思敏，職業報稱為藝人，并同Brian同樣報稱地址為山頂。

拍拖唔夠三個月決定結婚嘅莊思敏，同Brian感情未有受地域所限，佢曾經講過因為工作關係，同男朋友每個月大約只見一次，舊年十月畀問到會唔會嫁去臺灣嘅時候，佢笑言：「我都要工作，如果去臺灣發展，我驚唔夠臺妹，喺香港工作舒服啲。　」

莊思敏貴為馬來西亞拿督千金，早年以模特兒身份入行，雖然生得高但因為天生得32A上圍，2010年莊思敏下定決心隆胸，由A變C Cup，令佢自信大增，可以挺起胸膛做人！

莊思敏傾到對隆胸嘅睇法，佢話：「其實我哋平時見到嘅藝人，好多人都有隆胸，不過冇人感認！」

莊思敏貴之前喺《乘勝狙擊》里面同陳山聰有激烈床-戲，陳山聰仲壓喺莊思敏嘅胸上，呢段劇情一出街，網友紛紛留言笑陳山聰「壓假波」。

莊思敏咁多年嚟都係靠自己闖天下，更加涉獵商界，曾經開設模特兒公司、點心店等。而早喺2017年莊思敏以6百幾萬，買入實用面積約263呎嘅單位，成功上車做業主。

入行多年嘅莊思敏，拍攝過唔少電影同電視劇，近年喺劇集《溏心風暴3》飾演二少奶，因為經常喺劇里面翻白眼，成功入屋人氣急升，近期佢亦有份主持節目《姊妹淘》。

唔理點樣，宜家見到莊思敏同台灣CEOBrian咁幸福，真係替佢哋開心，祝福你哋永遠幸福快樂喔。