呢排，「TVB宅男女神」陳婉衡去酒店Staycation，佢借啲意打卡喪影性感靚相，呢次佢收起「咪咪」，轉玩「下半身失咗蹤」勁騷羅柚，睇到網民流曬鼻血。
不過唔少網民對陳婉衡「封胸」詐曬型，佢聽取民意之后都好識做，重新解放上圍，呢日見佢以Sports Bra上陣，大曬3吋長事業線、小蠻腰同腹肌線條，相當吸睛！
講到陳婉衡，其實佢因為喺2012年參選港姐而入行，佢擔任《Go！YamaGirl》同《3日2夜》節目主持之後開始為人熟悉，佢更擁有36E魔鬼身材畀網民稱宅男女神。
陳婉衡平日都會分享一啲健身、旅行嘅靚相，雖然多數都係曬身材，但都抵擋唔住粉絲對佢嘅喜愛，好身材當然攞出嚟曬都無可厚非，或者都因為咁陳婉衡嘅粉絲數高達13.3萬。
而唔少網友都會抨擊陳婉衡，指佢喺社交平臺上放嘅相太過性感，對于言論比較刻薄嘅網友，陳婉衡就表示自己其實好樂觀，唔開心嘅狀態自己可以一下就較過嚟。
唔知道，你認為陳婉衡社交平臺上放咁性感相好嗎？
Like MisshkNews Facebook！不出门也能知天下事～
