「TVB小生」即將開拍新劇,首次擔正做男主角

呢個禮拜日適逢母親節,TVB熱播劇集《愛回家之開心速遞》嘅一眾演員呢日出席母親節宣傳活動,「TVB小生」周嘉洛表示當日未能同媽咪慶祝,但有買咗份禮物畀佢。

另外周嘉洛將會喺TVB新劇集《痞子殿下》擔任男主角,因為拍攝《痞子殿下》需要幾個月時間,所以周嘉洛會離開《愛回家》一段時間。

周嘉洛話:「兩邊劇組對我好好,唔使同步開。(之后,唔會返《愛回家》?)我唔希望有呢件事發生,但世事無絕對,我唔敢講實。當然,我梗係希望返嚟,我真係同監制講我好想返《愛回家》!」

講到周嘉洛,其實周嘉洛舊年喺《愛回家開心速遞》飾演廢青金城安成功入屋,成功爆冷奪得最佳男配角。

據悉,年僅24歲入行先3年時間,周嘉洛係歷年嚟最後生嘅得獎者,其實喺《愛回家》入邊冇乜配角可分,因為每一集嘅劇情都唔同,主角配角戲份都會有變化。

不過,從TVB噉嘅安排可以得知,周嘉洛距離一線小生位置更近一步,論外形周嘉洛唔算特別出色,但觀眾緣特別好,同TVB視帝馬國明有相同之處。

不過周嘉洛好彩得多,24歲嘅佢已得到TVB高層賞識,有一啲天然呆兼百厭,社交人際亦比馬國明活躍。

據悉,周嘉洛似足初啱啱出道嘅馬國明,為人正面樸實,同臺前幕後都保持非常好嘅關係,TVB高層亦將佢作為馬國明接班人嚟培養。

而家周嘉洛嘅戲份畀加重,日日拍到冇停手,劇集一個星期播足七日,周嘉洛曝光率高,成為當紅「TVB小生」,唔理點樣,都係希望周嘉洛喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。