「TVB小生」畀爆老婆下禁令,吾可以同囝囝講英文普通話

「TVB小生」黎諾懿今日出席《超級奶爸3》記者會,黎諾懿喺會上分享咗2歲半囝囝「小春雞」嘅趣事,佢指仔仔而家開始學4種語言,包括廣東話、普通話、英文同菲律賓話。

黎諾懿話:「其實我聽講細路仔應該由一種語言學起,不過老婆希望囝囝學多啲知識,小春雞目前英文語言能力最好。

老婆下禁令我唔可以對囝囝講英文同普通話,因為老婆驚我唔標準嘅英文同普通話會荼毒囝囝,我唯一廣東話比老婆好,因為老婆講廣東話有懶音。

我都好少同囝囝講普通話,反而我同囝囝學英文,聽佢講得多,我啲英文都進步咗,去到外國都唔怕。」

黎諾懿直言呢排有唔少工作押後咗,最快出年1月再拍劇,呢排著手籌備出年嘅綜藝節目,都多咗時間帶囝囝,呢排計劃帶囝囝去旅行。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *