「TVB小生」直言唔恨做視帝,為拍劇出動百萬私伙

對於「TVB小生」陳山聰嚟講,舊年係佢最開心嘅一年,因為佢除咗首次擔正飾演《金宵大廈》男主角贏盡收視口碑之外,佢更雙喜臨門升呢做人夫同準爸爸!

遇過不少挫敗嘅陳山聰,佢坦言最錯、最低谷嘅一次係喺2012年到2013年同賭王千金何超雲拍拖鬧到滿城風雨。

而家嘅陳山聰總算領悟到,隨遇而安都會有驚喜出現,佢話而家終極任務并唔係要攞「TVB視帝」,而係努力揾錢畀老婆同仔仔過上好生活。陳山聰仲話:「你越想得到,可能就乜都得唔到,因為我試過失望,所以喺演戲方面,我會以平常心去享受每一個角色,反而會有唔同嘅效果出嚟。」

至於舊年陳山聰終于首次爭視帝,雖然大熱倒灶,但佢話:「攞視帝係要磨練嘅,就算早啲畀我,可能仲有觀眾覺得我仲未夠資格,所以我都唔想攞,覺得仲唔係時候。」

雖然做唔到視帝,但陳山聰喺《金宵大廈》嘅表現畀網友捧做民間視帝。另外呢排陳山聰更為《十八年後的終極告白》角色親自設計造型、仲出動埋百萬名錶首飾靚衫私伙,TVB力捧、網友力撐,其實陳山聰受得起有餘!

唔理點樣,希望陳山聰喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。