「TVB小生」食粉絲搞人妻裕美,靠警察角色成功洗底

呢排《機場特警》正式出街,劇集以機場特警組(ASU)為題材,講述一眾學警嘅成長、情感故事,劇集入面仲有好多男角色大騷肌肉嘅鏡頭。

「TVB小生」黃子恒喺《機場特警》飾演特警組主管章振赫有型有格,領導力強,好有大佬氣質,對劇入面嘅老婆溫柔體貼,同以往喺其他劇集里面飾演嘅茄喱啡角色形成鮮明對比。

黃子恒自從中五畢業之后,就入讀TVB第14期藝員訓練班,出道之后曾經喺《都市閑情》做過主持,咁多年嚟都喺各部劇集里面擔任唔起眼嘅茄喱啡角色。

直到2003年嘅時候,黃子恒喺《沖上云霄》飾演二副機長鐘世沛(Nick)先開始慢慢被觀眾留意。

之後,黃子恒演出咗《點金勝手》嘅反派角色柴日昇、《四個女仔三個BAR》嘅崔賢哲同《收規華》嘅呂耀威等,本來係事業穩步上升嘅時候,黃子恒自己就作死,惹上桃色新聞,一度畀外界封為「世紀賤男」。

喺2016年嗰陣,黃子恒畀傳媒爆出搭上人妻裕靚,引起全城熱議,兩人畀影到喺街市買餸,之後更有指女方到男方屋企過夜,更有記者影到裕美喺黃子恒屋企晾內衣。

事後佢哋承認戀情,裕美解釋因為受到前夫家暴遇上黃子恒,對方喺唔知自己嘅感情情況下開展戀情。

黃子恒都喺輿論壓力下出嚟說明,再三強調否認自己係第三者,又表示一人做事一人當,愿意承擔一切責任。

最終黃子恒同裕美兩個人都係分手收科,呢段露水情緣都讓兩人形象直插谷底。

同裕美分手之后嘅黃子恒依然備受TVB重用,不斷有機會演出,喺 臺慶劇《是咁的,法官閣下》、《降魔的》中都有不俗嘅表現,人氣都逐漸回升。

但黃子恒之後又爆出桃色負面新聞,一位大陸女粉絲Michelle向傳媒爆料,曾經兩度同黃子恒發生性行為,并有咗,但對方玩起消失,若無其事,所以粉絲選擇咗曝光。

黃子恒受訪時就話自己只同呢位女粉絲瞓過一次,兼夾做好安全措施,如果有需要仲可以配合做DNA檢查,畀傳媒問到會唔會告對方侵犯自己名譽權,黃子恒仲話:「朋友一場,唔會。」

除此之外,仲有一位36E女歌手迪子,都曾經爆出同黃子恒嘅傾計紀錄,黃子恒以甜言蜜語氹對方提供上門服務,連續三次桃色緋聞,黃子恒正式坐定「世紀渣男」位置。

呢啲緋聞之後,黃子恒就畀TVB雪藏,事業跌低谷底之后身體都跟住出現咗毛病,舊年8月喺社交平臺上發帖文表示自己受到病魔折磨。

唔知係TVB高層對佢特別寬容,定係TVB真係無人才嘅原因,TVB開始頻頻播出佢嘅電視劇,而且全部都係正面形象,睇嚟係想為佢洗底嘞。

Like MisshkNews Facebook!不出门也能知天下事~

發佈回覆

你的電郵地址並不會被公開。