「TVB小花」去摘士多啤梨，當去咗日本

「TVB小花」余香凝上個月啱啱榮升人妻，呢日佢撇甩老公，孖住好姊妹陳詩欣、仲帶埋契女出街郊游，去到農場摘士多啤梨，相當寫意。

而余香凝亦非常享受，喺社交平臺大曬靚相，仲話當去咗日本，過足旅行癮，佢話：「呢個禮拜去咗日本摘日本士多啤梨，仲得到契女嘅垂青，冧曬。」

除咗摘草莓，余香凝仲喺草地上放紙鷂，更邊放邊唱Twins嘅經典歌《風箏與風》，期間盛傳大肚嘅佢著住上鬆身衫遮肚，而且腰部同下盆明顯變粗，孕味甚濃！