「TVB小花」單身八年畀催婚,宜家宣布與臺灣男友拍拖

中秋節係人月兩團圓嘅好日子,「TVB小花」莊思敏(Jacquelin)日前就傳嚟好消息,佢喺社交平臺高調宣布拍拖喇,真係要恭喜曬!

莊思敏仲喺社交平臺曬咗一張合照,男友眼大大、五官四正,戴一副粗框眼鏡襯恤衫,好有文青氣質,莊思敏就好陶醉噉樣,小鳥依人般用手搭住男友手臂。

莊思敏留言話:“The right one bump up in the right time. ❤️”(啱嘅人出現喺啱嘅時間)”圈中好友連詩雅、張寶兒、樂瞳等人紛紛留言并恭喜,大贊佢哋好Sweet、好恩愛。

莊思敏接受採訪時,:“承認兩個人拍緊拖,佢係臺灣人,我哋啱啱開始拍拖幾個月。”

兩個人係經朋友介紹識嘅,日前兩個人已經見過對方家長。莊思敏男友畀贊靚仔,莊思敏即說:”Thank You,佢仲透露男友叫Brian,比自己大一歲,係做生意嘅。“

對于妹妹莊思明同揚明拍拖3年,有傳聞今年會結婚,問莊思敏會唔會閃婚畀大家驚喜?佢表示呢啲事急唔得嘅。

今年39歲嘅莊思敏係大馬拿督千金,據悉老竇莊寶身家估計有八億。

莊思敏喺2011年與拍拖5年嘅吳浩康分手之後,雖然與導演葉念琛傳過緋聞,但都無結果。

莊思敏自爆今年初返大馬過新年,由于細佬妹都有另一半,連媽咪都為莊思敏心急,不停噉畀佢介紹男仔識,單身八年嘅莊思敏,今年終于成功脫單。

發表回覆

你的電郵地址並不會被公開。