「TVB小花」大肚現身活動,回應解約傳聞

「TVB小花」陳凱琳(Grace)2018年同「TVB視帝」老公鄭嘉穎結婚之後,生落大仔鄭承悅之後,專心照顧家庭好少喺幕前發展,得閒就出席商演活動同主持節目賺奶粉錢。

前港姐冠軍陳凱琳較早時宣佈再度有喜,呢日佢佗住BB著上吊帶裙喺海洋公園出席活動,肚凸凸嘅陳凱琳上圍明顯升cup,但身形依舊纖瘦,不過佢卻貪靚以3吋高踭鞋示人!

陳凱琳接受訪問時表示不愿透露而家佗B幾個月,但係對於著高踭鞋出活動,佢話老公并冇反對,雖然佢拒絕透露佗B時間,但陳凱琳直言開始準備新成員嘅來臨。

現時陳凱琳透露大仔因為年紀仲細,對佢佗B嘅事都唔係好清楚,但而家佢已經開始擔心BB出世大仔會妒忌。

BB性暫時未能公布,但陳凱琳透露下個禮拜會公布,因為約咗朋友搞咗個Baby Shower,到時切蛋糕嘅時候大家就知BB嘅性別。并表示上一胎係開刀,呢胎未決定,安全起見會交畀醫生決定。

有傳陳凱琳有意解約跟住老公鄭嘉穎離巢外闖,鄭嘉穎就回巢拍攝新劇《兒童醫院》為老婆還劇債。陳凱琳表示:「無解約嘅諗法,自己有好大戲癮,等到仔仔大啲希望再拍劇。」

Like MisshkNews Facebook!不出门也能知天下事~

發佈回覆

你的電郵地址並不會被公開。