「TVB小花」生日大曬靚相,放心我會啜爆佢兩個

日前(12月7日)係「TVB小花」龔嘉欣(Katy)31歲生日,呢日佢趁住生日發感性文章之餘,仲要大曬幾張索爆靚相,睇到網民真係流曬口水。

龔嘉欣話:「30+1,重要係嗰個1!1有住開始嘅意思。新嘅一年,大咗一歲,祈求多一份謙卑,長一啲智慧,少一份執著,減一啲煩惱。珍惜身邊愛我嘅人,享受從一而終嘅演藝事業!」

而好姊妹陳凱琳亦有喺社交平臺發文祝賀,龔嘉欣都留言回覆話:「多謝你,感恩有你,放心我會啜爆你兩個仔仔。」

講到龔嘉欣,其實佢喺16歲開始做模特兒入行,佢每個月都會儲起一半收入,而舊年踏入30歲嘅佢斥資7位數喺吉隆坡開火鍋店,出入開百萬保時捷跑車代步,更一度有人質疑佢係咪畀包養。

事實上,龔嘉欣嘅血汗錢全部有血有汗,佢平時唯一愛好就係存錢,唔買衫就著贊助商衫,買樓之後龔嘉欣周圍去家私店格價,專揀便貨、超筍價貨,認真好賢良淑德。

唔理點樣,希望龔嘉欣可以繼續畀我哋帶嚟多啲更精彩噶演出,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。