「TVB小花」等待解封,卻等來約滿離巢

「TVB小花」陳偉琪舊年因為醉駕,之后又畀記者爆出夜蒲咀鬼佬而畀TVB雪藏,所以佢喺《愛回家之開心速遞》中消失,雖然之後喺台慶「解禁」表演豎琴,不過之後都係唔見有乜新工作。

尋晚,陳偉琪出席活動嗰陣話已經約滿離巢恢復自由身,佢話暫時未有幕前工作,但兩個月前開始經營西班牙黑毛豬火腿嘅網上生意,反應唔錯。

陳偉琪認為可以再參與《愛回家之開心速遞》演出嘅機會好微,直言唔舍得一班同劇演員,尤其劇中老公鄭世豪,所以得閑嗰陣會約鄭世豪夫婦見面。

陳偉琪仲話∶「好掛住Jenny呢個角色,話曬演出咗3年,睇住Jenny成長。而家希望可以喺網上生意上闖一番事業。」

講到陳偉琪,其實佢入行到而家已經有6年時間,佢同大多數藝人一樣,都係通過選美入行。曾經參加過2011年溫哥華華裔小姐競選嘅佢獲得咗亞軍、最上鏡小姐同最優雅模特獎。

後來陳偉琪喺2013年嘅時候再戰香港小姐,不過最後就可惜止步五強,未能進入三甲。

但係備受賞識嘅陳偉琪,喺選美結束之後就參加咗第七期藝員訓練班而成為TVB旗下藝人,雖然佢所飾演嘅角色多數都係一啲配角類型。

不過陳偉琪依舊認真對待,兼夾心懷感恩,直到憑借《愛回家之開心速遞》中飾演「細龍太」而終于捱出頭。

除此之外,陳偉琪仲演出過唔少作品,比如《我們的天空》、《陪著你走》、《拆局專家》、《警犬巴打》、《潮流教主》、《超能老豆》、《全職沒女》、《賭城群英會》、《超時空男臣》、《溏心風暴3》等。

唔理點樣,都係希望陳偉琪喺之後嘅事業上可以有所成就,加油加油!

Like MisshkNews Facebook!不出门也能知天下事~

發佈回覆

你的電郵地址並不會被公開。