「TVB小花」親密照畀曝光,畀傳曾經做過第三者

張致恒(Steven)嘅醜聞愈爆愈多,呢排有網友爆料,指張致恒喺2013年至2016年與莊端兒拍拖期間,先後搭上「TVB小花」蔣家旻同「失婚」裕美。

更指張致恒一直好食懶做,平時衣食住行靠曬富家女莊端兒,但拍拖第二年張致恒暗交蔣家旻,但畀莊端兒發現兩個人嘅對話錄音,蔣家旻先知道自己係第三者,傷心到一度有自殺傾向。

而裕美喺2016年與黃子恒嘅關係,搞到有家歸不得,傳暫時住狄以達嘅九龍灣公司,遇著冇水沖涼,張致恒就趁莊端兒離港工作,邀請裕美返屋企沖涼兼夾過夜,遇正裕美M到血染床單,畀莊端兒發現嬲到爆!莊四兒回復媒體話:“我知道嗰件事,但已經過去咗唔想再講。”

而當事人蔣家旻話:“其實我已經回應過一次,唔想再牽涉喺呢一件事上面,因為唔係事實,我同佢都唔熟,公司節目只係合作過兩次,我同佢都冇拍過拖。”

傾到有人爆出佢同張致恒嘅私密相,蔣家旻話:“我都唔記得幾時拍嘅,但肯定係一大班人聚會嘅時候拍,呢兩張相我自己都冇,唔好話拍拖,我哋連單獨出街都未試過,我同佢一啲關係都冇,所以我唔想再同呢件事有任何關係。另外我從來都冇抑鬱症,大家唔需要為我擔心。”

裕美就透露15歲已經識張致恒,情如兄妹,裕美大贊對方識得照顧人,但強調與對方冇關係,而且好耐冇聯繫過對方!

Like MisshkNews Facebook!不出门也能知天下事~

發佈回覆

你的電郵地址並不會被公開。