「TVB小花」迎接36歲曬泳衣靚相,網民睇到O曬嘴

「TVB小花」傅嘉莉將喺本月6日踏入36歲,事關疫情肆虐而未能大肆慶祝,不過心繫粉絲嘅傅嘉莉決定舉辦線上生日會,隔空同粉絲相聚。

傅嘉莉仲發文邀請粉絲踴躍參與,仲大派福利,曬出一張一件頭水著相,雖然泳衣相當密實,但勝在氣質搭夠,一個甜甜哋笑容睇到網民O曬嘴。

講到傅嘉莉,其實佢喺2013年參演《沖上云霄II》飾演喬祖思一角開始為人熟悉,喺劇中佢飾演一個暗戀機長吳卓羲嘅咖啡師,同吳卓羲有唔少嘅對手戲。

之後傅嘉莉喺《愛我請留言》首度擔任第二女主角,飾演為咗嫁比有錢人而背井離鄉只身一人嚟香港嘅打工妹“皎妃”,佢因為喺劇中嘅出色表演而人氣急升。

2015年傅嘉莉正式成為「TVB親生女」,同年喺臺慶劇《張保仔》飾演貪食宮女夏嬋,與陳展鵬嘅感情線獲得關注,更憑藉呢部劇榮獲《萬千星輝頒獎典禮2015》最佳女配角提名。

傅嘉莉唔單止人美,同時都好熱愛公益,曾經喺2016年創立咗“傅出愛義工團”。集合善心人士,身體力行,付出愛并多關懷社會上面有需要人士,共同實踐傅出愛精神,為社會作出貢獻。

正在熱播嘅《反黑路人甲》,傅嘉莉喺劇中飾演一位內斂冷酷嘅女仔,大家千祈唔好錯過。

Like MisshkNews Facebook!不出门也能知天下事~

發佈回覆

你的電郵地址並不會被公開。