「TVB小花」黃翠如較早時突然喺社交平台講「再見」又關閉留言功能，即刻嚇親一班粉絲，事後佢分享風景照報平安：「總有一日，我哋會再相遇。私人的悼念，多謝關心。」
而老公蕭正楠亦曬出兩公婆喺海邊攔腰嘅短片，仲借用Dear Jane歌曲《哪裡只得我共你》嘅啲歌詞為老婆黃翠如打氣。
事隔多日，黃翠如終於再喺社交平台發言，見到佢曬出一張同老公視頻通話嘅截圖，又感激對方就算唔喺香港都默默隔空陪伴。
黃翠如話：「有一啲日子，你知道總有一個人傻甘甘咁陪伴，哪怕有一點距離，再難頂嘅時候，深呼吸，硬住頭皮，然後行落去。人生不如社交平台咁美好，但有愛，喺黑暗都會揾到光。」
Like MisshkNews Facebook！不出门也能知天下事～
