「TVB新聞小花」出席活動全情投入:忍唔住贊好犀利

日前,「TVB新聞小花」蘇可欣出席活動擔任司儀,見到活動上有唔少攤位賣街頭小食,雖然睇到口水直流,但係礙于工作原因,所以未得閑過去食。

今次嘅活動對于蘇可欣嚟講係一次全新嘅挑戰,一氣呵成做咗六個鐘主持嘅佢笑言:「因為要專心做嘢,我都好想飲佢哋嘅手工啤酒,但係冇時間囖。」

佢仲繼續笑話:「活動上有好多後生仔同小朋友表演,最估唔到有D小朋友得4、5歲,但係一上臺就跳勁舞,佢哋上臺表演嗰刻我都忍唔住贊好犀利,我喺臺下都彈咗幾下,又跟住佢哋唱歌。」

傾到早排出埠飛去南京做嘢,蘇可欣更興奮到瞓唔到覺,佢話:「對上一次去南京係做空姐嘅時候,都差唔多有三年時間冇去過,所以今次要把握機會,喺嗰度食番以前做空姐嗰陣好鐘意食嘅嘢,例如生煎包、燒鴨。今次同程皓一齊去,成個過程有佢陪住好開心,我哋仲第一次一齊孖鋪,傾咗幾個鐘先舍得瞓。」

1993年出世嘅蘇可欣,喺讀期間就好活躍,經常會參加一啲校際田徑比賽,而喺2016年嘅時候,佢就參加咗《香港小姐競選》,更成功進入最後二十強,雖然最後遺憾落選,但係備受賞識嘅佢,喺選美結束之後就進入到TVB。

而佢喺入讀為期三個月嘅演藝進修班,之後就正式成為藝人,期間佢參與拍攝咗唔少劇集,比如《踩過界》、《老表,畢業喇!》、《誇世代》、《愛回家之開心速遞》、《溏心風暴3》、《兄弟》、《是咁的,法官閣下》、《白色強人》等。

唔理點樣,期待蘇可欣可以繼續畀我哋帶嚟更好噶作品,亦希望佢可以繼續加油,期待佢更加精彩嘅表現,祝福!

Like MisshkNews Facebook!不出门也能知天下事~

發佈回覆

你的電郵地址並不會被公開。