「TVB新聞小花」著4吋高踭鞋,閃入姊妹淘

「TVB新聞小花」阮嘉敏憑借樣貌甜美加埋口齒伶俐,成為《東張西望》外景主持之一,呢排更成為廠場主持,終於唔使出去日曬雨淋咁辛苦。

除此之外,阮嘉敏仲成為《姊妹淘》主持之一,身高得一米6嘅佢著住4吋高踭鞋,挑戰坐傳說中嘅「姊妹櫈」,大騷長腿。

阮嘉敏興奮表示話:「姊妹報到,感恩可以加入姊妹淘,繼續努力學習,多多指教。傳說中嘅長腿櫈,真係綁好堅㗎!!!大愛!」

講到阮嘉敏,其實佢畢業于香港中文大學傳理系,佢曾經遠赴昆士蘭科技大學修讀媒體與傳播研究系。2016年佢報名參加香港小姐競選,可惜最後止步十強就慘遭淘汰。

雖然阮嘉敏落選港姐,但佢仲係獲得TVB高層青睞,成功被安排入讀為期三個月嘅演藝進修班,之後正式簽約出道。

除咗拍劇,阮嘉敏仲為TVB節目擔任主持工作,形象相當深入民心,節目包括《Shopping Hero》、《東張西望》以及《3日2夜》等。

阮嘉敏雖然星途未有大紅大紫,但而家嘅阮嘉敏已經累積唔少人氣同支持,知名度亦提升唔少,相信跟住落來佢會有更多嘅演出機會,期待!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *