「TVB老戲骨」囡囡着丁字褲大跳鋼管舞,嚇到佢騰騰震

「TVB老戲骨」鄭丹瑞(阿旦)月前喺YouTube開設新頻道《健康‧旦》,佢邀請唔同嘉賓同大家分享健康資訊,當中包括兩個囡囡鄭瑤(Zaneta)同鄭珉(Amanda)。

細女鄭珉係一個瑜伽、鋼管舞同體操導師,鄭丹瑞喺節目回憶同老婆第一次睇個女公開表演鋼管舞,難忘見到個女喺臺上著T-Back嗰陣畀大嚇一跳嘅心情。

鄭丹瑞坦言當時「個心離咗一離」,但同時亦都大讚囡囡跳得好好,從影片可以睇到佢喺臺上跳鋼管舞,動作好流暢優美,每一個高難度動作都一氣呵成,果然係專業導師。

呢排,鄭丹瑞細女亦有喺網上教大家幾招簡單嘅瑜伽動作,讓大家喺屋企都可以做運動強健體魄,對抗疫情。

另外細個嗰陣時試過同鄭丹瑞一齊拍過兒歌MV《那夜我替女兒「R」背脊》大女Zaneta,日前自立門戶,任職Freelance時裝編輯。

Zaneta都喺節目中分享咗外地朋友對于疫情嘅態度,喺海外大爆發之前,大部分朋友都睇小疫情,當中唔少時裝界朋友仲表示有因為形象問題而拒絕戴口罩。

Like MisshkNews Facebook!不出门也能知天下事~

發佈回覆

你的電郵地址並不會被公開。