「TVB花旦」新年唔心急搵男朋友,唔會…

「TVB花旦」姚子羚呢排忙住為新劇《黃金有罪》宣傳,新年總算有幾日假放,決定學做賀年素菜「黃金滿屋」,到時同屋企人、朋友齊齊慶祝。

姚子羚講到新年愿望,豬年劇接劇加埋較早時患過甲型流感,令佢瘦到得94磅,所以鼠年除咗希望演到多啲好角色,最希望可以增肥到100磅以上,講到姻緣佢反而唔心急,只係想搵一個孝順顧家,心地善良嘅有情人。

姚子羚好滿意豬年發展,工作排到密麻麻,不過正因為好忙疏忽咗身體,加埋之前中咗甲型流感,瘦咗好多,跟住要調理返好身體,先可以努力賺錢。

講到鼠年愿望,姚子羚祝福大家:「希望所有人平安快樂,大家多啲正能量,世界少啲天災人禍。至於個人就想新一年事業更上一樓,仲有增肥成功。」

至於姻緣,姚子羚表示:「一切隨緣,我唔會限制自己幾時結婚生小朋友,加埋呢件事唔係你付出幾多努力就有幾多分收獲。」

講到選擇對象,姚子羚話:「會以覺得為主,不過有D要求,最緊要孝順顧家,愛錫父母同屋企人,將來都會錫自己嘅家庭,仲要上進,唔一定要賺要好多錢,但係有上進心。」

發表回覆

你的電郵地址並不會被公開。