原來啱啱冇過幾耐嘅6月30日係「TVB花旦」林夏薇嘅33歲生日，林夏薇尋日（7月3日）仲喺社交平臺分享一大班圈中好友出海慶祝生日嘅相。
林夏薇發文留言話∶「又大一歲啦，感謝生命中出現嘅所有人，呢個係幸福嘅生日?（ps感謝我親愛的老公J.M嘅驚喜生日party?，老公總係咁貼心❤️。）」
生日船party星光熠熠，有份出席嘅藝人包括胡定欣、劉愷威、蕭正楠、徐榮、黃祥興、趙希洛等。
林夏薇更脫去白色小背心，性感上陣，展示fit爆身材，又同劉愷威、蕭正楠、徐榮、黃祥興4位猛男合照。
此外胡定欣、徐榮、黃祥興、趙希洛都有喺社交平臺分享照片，胡定欣仲留言話∶「生日快樂，愛人林蝦米，繼續暢懷歡笑，開開心心，身體健康！年年29＋1！」
而黃祥興就留言話∶「今年第一個船河，仲可以同你慶祝生日，實在太開心太興奮。你知啦我哋啲船河，可以幾難忘！」
Like MisshkNews Facebook！不出门也能知天下事～
