「TVB花旦」有難,向好姊妹借100萬…

「TVB花旦」黃智雯嘅網上頻道又有新搞作,呢次竟然連情同姊妹嘅趙希洛都整蠱,佢決定打電話問趙希洛借一百萬買樓,實行友情大考驗!(文章最后,有短片)

一開始黃智雯馬上入曬戲,扮得吞吞吐吐,搞到趙希洛好緊張,之后終於講出打電話嘅目的:「我想買樓,但首期仲差啲,我想問你借錢。」

趙希洛即問:「你想借幾多?」黃智雯就話:「我想問你借100萬。」搞到趙希洛即刻靜咗幾秒,但都有應承:「好,你畀啲時間我研究下。」

抵死嘅黃智雯乘勝追擊:「你覺得你可以借幾多畀我?」更打人情牌:「我剩係問你一個,因為你係我最好嘅朋友,你可唔可以借到一百萬畀我?」

講完即偷笑,又踢爆對方多私己錢,趙希洛聽到完100萬又靜咗,但話:「未必借到一百萬咁多,但盡借,係冇問題嘅。」

任務成功之后,黃智雯馬上開估呢次其實係整蠱,趙希洛話:「我以后都唔愛你,又講笑迫黃智雯幫佢生仔補償」,黃智雯話:「會請佢食飯補數」。佢哋果然姊妹情深!

同屆港姐高調「示愛」,著姊妹裝狂放閃| 香港小姐新聞

Like MisshkNews Facebook!不出门也能知天下事~

發佈回覆

你的電郵地址並不會被公開。