「TVB花旦」每次出場成焦點,47歲身材樣貌不輸後生小花

現年47歲嘅「TVB花旦」陳煒(煒哥)係《1996年亞洲小姐競選》冠軍出身,樣靚之余,身材亦都相當出眾,而且仲保養得好好。

陳煒經常會喺社交平臺曬出自拍照,皮膚同狀態都好似後生女一樣,簡直係逆齡生長。日前佢性感打扮出席《萬千星輝頒獎典禮2020》之后,又再引起網民對佢嘅關注,大讚佢又靚又有女人味。

而事實上,陳煒無論拍劇、出活動定係出席大騷,一向博到盡,每次都係悉心打扮出場,令人眼前一亮成為焦點。

2018年,陳煒喺《萬千星輝頒獎典禮2018》嘅呢個造型,艷壓全場成為全場焦點。當佢接受訪問嘅時候笑言∶「中門大穿窿,好突出嘅,最緊要隆重其事囖!」

即使出席《歡樂滿東華》,陳煒都一樣性感上陣,陳煒更按傳統到電話中心接聽善長電話,當然也成功更為全場焦點。

2017年《綜藝精彩50年我愛EYT》節目中,陳煒著上黑色閃石低胸裝大曬身材之餘,仲喺臺上勁歌熱舞唱出梅艷芳嘅《烈焰紅唇》,錫士誘人。

陳煒另一個令人印象深刻嘅打扮梗係要講2016年嘅《萬千星輝賀臺慶》,佢同陳自瑤、高海寧、張秀文、李天縱同蘇可欣大跳肚舞表演,好性感。

就算而家陳煒已經47歲,但身材樣貌仲係力壓唔少後生小花!

Like MisshkNews Facebook!不出门也能知天下事~

發佈回覆

你的電郵地址並不會被公開。