「TVB花旦」爆出畀搞大肚,馬國明回應…

呢排,陳思銘被指係「TVB花旦」唐詩詠緋聞男友,佢喺社交平台留言:「佢嘅生命中,出現咗另一位男主角,酸啲講句,雖然個男人烚熟狗頭咁樣,但似乎對佢真係好。」

此留言一出,矛頭即指向馬國明係第三者,而今日又有報道指馬國明爆粗護妹,對于種種無聊新聞,記者問到馬國明,不嬲都唔鐘意澄清太多嘅佢,終于忍唔住要開腔回應,坦言唔想再同陳思銘個名扯埋一齊。

馬國明回應:「首先我不識佢,我亦唔知佢同阿妹有乜關係,我哋「鐵馬家族」有聚會都唔會問大家嘅感情事,阿妹一直都冇帶呢個男仔出嚟,我哋嘅話題亦從來冇呢個男仔,所以我點解要向佢爆粗呢?」

馬國明坦言今次回應,只係因為之前上網講到自己係“第三者”,亦睇過有新聞過分到指詩詠大肚,佢同馬國明住出嚟認愛。

馬國明話:「其實而家寫到咁亂,希望傳媒高抬貴手,唔好再傳傳緋聞,以前我一直都唔講,覺得算啦!算幫《白色強人》宣傳囖!不過宜家真係寫到亂,影響我人格,大家想知Zoe同唐明有乜發展,就睇《白色強人2》啦!」

馬國明又再三強調希望大家唔好再將佢同陳思銘并談,佢根本唔識對方,佢話:「其實之前有人話我哋同蕭正楠兩Pair人食生日飯,但其實嗰一日我哋係一班人,食完餐飯之后,我到而家都未見過詩詠囖!」

Like MisshkNews Facebook!不出门也能知天下事~

發佈回覆

你的電郵地址並不會被公開。