「TVB視后」言論問題畀雪藏,導致多部劇集畀抽起

一般嚟講,「TVB視后」係TVB一姐,地位非凡,拍劇機會自然係數之不盡,甚至有部分「TVB視后」有咗人氣之後會離巢北上發展,比如佘詩曼、胡杏兒等。

不過,「TVB視后」李佳芯就因為自己言論問題而畀雪藏,成為咗史上最悲慘視后,攞咗獎卻冇劇拍,仲要連續四套電視劇都畀頂替角色。

李佳芯入行以嚟,以狐貍精、邪花角色上位,從2012年有線過檔到TVB發展,同黃翠如係同期進入TVB,佢基本係由茄喱啡到女配角,最後順利上位做女主角。

不過,李佳芯成功走紅就心高氣傲,佢曾經一度為咗喺圣誕同新年檔期揾快錢,反口推劇激嫐TVB高層,當時TVB要出動愛將黃翠如臨危受命,頂佢拍《那些我愛過的人》。

雖然李佳芯獲TVB高層網開一面,繼續有機會拍攝重頭劇《殺手》同《愛美麗狂想曲》,但由於言論問題畀TVB雪藏,觀眾緣同人氣急挫,近幾個月幾乎絕跡熒光幕。

而且李佳芯《踩過界II》、《BB大晒》同《白色強人II》換角之外,下月開拍嘅《七公主》,原本由佢担正做女角色,亦改由黃翠如頂上,連續四劇畀飛走。

冇工開嘅日子,李佳芯一個人揸車出街,出街食飯都係茶餐廳或者街邊小食,絲毫冇星味,冇收入來源梗係要開源節流。

畀放長流嘅李佳芯,亦開始洞悉事業危機,就連上年臺慶檔《殺手》畀抽起,到而家仲係出街無期,主演陳豪、高海寧都覺得好無奈。

Like MisshkNews Facebook!不出门也能知天下事~

發佈回覆

你的電郵地址並不會被公開。