「TVB視後」畀爆約滿離巢,加盟古天樂公司!

TVB兩屆視後胡定欣,自從舊年中拍完《包青天再起風云》之後就冇再接劇,疑似為約滿前嘅最後一部劇。據悉胡定欣喺2020年約滿TVB,準備轉投古天樂旗下,發展音樂與電影市場。

2015年胡定欣憑借劇集《鬼同你OT》首度獲封視後,贏盡掌聲之余,事業發展更攀上高峰,2016年再憑借劇集《城寨英雄》兩度封後。

不過,自從舊年拍完《包青天再起風云》之後,胡定欣就冇再拍TVB劇,其中一個原因係開始外闖發展舞臺劇、電影同音樂,同時推出多個作品。

另外,有傳胡定欣本來計劃接拍《逆天奇案》,但當得知男主角係陳展鵬之後,就無演出。

早喺2016年,《城寨英雄》出街嘅時候,胡定欣同陳展鵬畀封最佳螢幕情侶,呢對CP好多人受落,兩個人亦不時情侶檔搵真銀,緋聞更加係疑幻似真。

點知道,陳展鵬突然與胡定欣劃清界線,并極速同單文柔拍拖結婚生子。之後,兩個人嘅關係就大不如前,都冇再合作過。

冇劇拍,胡定欣宜家放假休息,更指佢已經一心等候約滿離巢,加盟古天樂旗下嘅公司,并主力發展音樂與電影事業。

發表回覆

你的電郵地址並不會被公開。 必要欄位標記為 *