翁嘉穗1997年以溫哥華海外佳麗身份參選香港小姐競選,參選期間曾獲得電視臺高層何麗全出口力贊。最終翁嘉穗贏得第25屆香港小姐冠軍,同時獲得“最上鏡小姐”、“東方美態大獎”、“都會魅力小姐”。
![翁嘉穗兒子鄔謨雲喺美國參加舉重比賽,打破兩項深蹲同硬舉嘅世界紀錄!](https://www.misshknews.com/wp-content/uploads/2018/10/pic_001-26.jpg)
前港姐冠軍翁嘉穗(Virginia)兒子鄔謨雲(Jason)一向係健力勇士,仲贏過唔少比賽,非常厲害。
![鄔謨雲為港爭光!](https://www.misshknews.com/wp-content/uploads/2018/10/pic_002-25.jpg)
今日Virginia喺社交網透露Jason近日喺美國參加舉重比賽,更勇奪世界賽嘅冠軍,並打破兩項深蹲同硬舉嘅世界紀錄!
![勇奪世界賽冠軍真係唔容易!](https://www.misshknews.com/wp-content/uploads/2018/10/pic_005-23.jpg)
見到Jason手拿獎盃,展露燦爛笑容,作為媽媽嘅Virginia亦為兒子感到驕傲,並說:「奪得世界冠軍絕非易事,但你嘅熱情、毅力同決心,令到你成功。」而Jason亦喺網上表示興奮,難掩喜悅之情,仲話自己喺青少年級別以82.5 KG成績奪冠,果然叻仔!
![鄔謨雲好叻仔!](https://www.misshknews.com/wp-content/uploads/2018/10/pic_008-8.jpg)
Virginia接受東網訪問時指阿仔今次比賽波折重重:「因為Jason要由波士頓搭飛機到華盛頓,再轉機到比賽場地,點知遇上航班取消,要再坐3個鐘車先到,之後又遇上酒店停電,所以我都好擔心會影響到佢情緒,但幸好佢心情冇受影響,仲突破到自己成績,真係好戥佢開心,絕對係佢生日前收到嘅最佳禮物。」
![高舉獎盃勁Hyper!](https://www.misshknews.com/wp-content/uploads/2018/10/pic_003-26.jpg)
![好大隻!](https://www.misshknews.com/wp-content/uploads/2018/10/pic_006-14.jpg)
![爆肌!](https://www.misshknews.com/wp-content/uploads/2018/10/pic_009-7.jpg)
![翁嘉穗發文。](https://www.misshknews.com/wp-content/uploads/2018/10/pic_004-24.jpg)
![鄔謨雲發文。](https://www.misshknews.com/wp-content/uploads/2018/10/pic_007-10.jpg)
本文轉載於東網
本站負責轉載以及潤色本文
如有侵權,請聯繫刪除
Like MisshkNews Facebook!不出门也能知天下事~