一個廣告睇晒三大港姐,絕密Call機廣告大曝光

1990年港姐冠軍袁詠儀、亞軍翁杏蘭同季軍梁小冰一直都係公認嘅靚女,當年都係大眾女神,原來佢哋30年前曾經合作拍攝Call機廣告,但片段一直未有公開出街。

點知尋晚梁小冰就喺社交平台曬出廣告片段,仲留言:「當年拍攝呢個廣告真係好大陣仗,出動到海陸空接送我哋三位神探俏嬌娃,事隔30年都係第一次睇到。」引起唔少網友Click入去。

見三人當年袁詠儀、翁杏蘭同梁小冰真係仙氣逼人,又Cute又青春,面對鏡頭一啲青澀味都冇,果然係天生食呢行飯,唔怪得引嚟唔少網友狂讃,話段片段好有紀念意義。

1969年出世嘅梁小冰同大多數藝人一樣,21歲嘅時候參加咗《1990年香港小姐競選》,一路過關斬將嘅佢,喺最後嘅總決賽當中不慎失手,但臨危不亂嘅佢仲系完成咗表演,最後更獲得周潤發評為最有做戲天分嘅香港小姐。

 喺選美結束之後,梁小冰就簽約TVB成為旗下藝人,備受公司力捧嘅佢都喺多部劇集中擔任主要角色,比如《血璽金刀》、《孤星劍》、《天子屠龍》、《新上海灘》、《濟公》、《圓月彎刀》、《聊齋(貳)》、《鹿鼎記》等。

梁小冰都憑借其出色嘅演技而大獲好評,但因為高強度嘅工作,而且經常喺古裝劇中佩戴頭套,頭髮因此甩咗好多,身體變得瘦削,為咗減少壓力同更好嘅休息,梁小冰選擇離開TVB。

不過要講最為讓人印象深刻嘅就系《新梁山伯與祝英臺》,梁小冰喺劇中反串女扮男裝,喺大結局中以淚洗面嘅一幕,更令唔少觀眾為之動容,佢都憑借呢部劇而人氣急升,紅極一時。

梁小冰入行以嚟,所參演嘅古裝劇較多,因此唔少觀眾就稱之為「古典美人」,都畀傳媒譽為「古裝皇后」,希望有機會嘅話,可以繼續睇到梁小冰畀我哋帶嚟精彩嘅作品!

Like MisshkNews Facebook!不出门也能知天下事~

發佈回覆

你的電郵地址並不會被公開。