三甲大熱門，42寸長腿靚女港姐畀曝專釣金龜，丑聞不斷

《2019香港小姐競選》準備喺九月八日舉行總決賽，日前TVB舉辦淘汰賽即場淘汰咗五位佳麗，剩返十位佳麗繼續進入總決賽，包括（1）黃嘉雯、（2）蔡嘉欣、（3）梁敏巧、（4）姚㦤芠、（5）王菲、（6）陳熙蕊、（7）楊詠彤、（8）古佩玲、（9）廖倬竩及（10）謝采芝。

參選以來一直零是非、形象健康、擁有一對42寸長腿嘅楊詠彤（Katy），唔單止係觀眾熱門人物，仲係2015年、2016年港姐冠軍馮盈盈、麥明心目中嘅冠軍。

楊詠彤係眾多參賽佳麗中最高嘅一位，加埋外形出色。由首輪面試到入圍，一直都係網民心中嘅港姐三甲人選。

喺日前嘅淘汰賽，楊詠彤就憑借才藝表演環節中，以精湛嘅畫功成功晉級決賽。

楊詠彤畢業于城市理工大學犯罪學係，曾經係城大校花。讀書時代，佢已經做模特兒，并由私影做起，之後正式加入模特兒公司，係Model Genesis旗下嘅模特兒。

23歲嘅楊詠彤一直有好多人追，自爆曾經拍過三次拖，每位男朋友都有180cm高或者以上，有知情人爆料：楊詠彤選美為釣金龜，仲有參選前狼撇男朋友翻版阮兆祥。

據悉，當時楊詠彤同前男友一齊，碌卡碌到爆，令對方人財兩失，爆料人更附上佢同舊愛嘅甜蜜合照，好似言之鑿鑿。