個仔哮喘發作!前TVB小花憂心忡忡:成日都心掛掛

日前,好久無浦頭嘅車婉婉就為TVB人氣節目《流行經典50年》擔任演唱嘉賓,而該集主題定為經典兒歌,於是今次佢就獻唱咗20幾年前嘅卡通片《娛樂金魚眼》嘅主題曲《每點愛都記住》。

而車婉婉更大爆該首曲目未曾畀公開演藝過,佢話:「好多人都話好期待,呢首歌亦都冇擺喺我第一只大碟度。

都有同個仔BBQ唱過,因為要練歌、操歌,我系佢人肉點唱機,佢會做一啲動作出嚟,我就估要唱咩歌,唱錯嘅話,佢會講No!上一次我上完呢個節目,播出街嘅時候,佢見到想拉家傭入電視,覺得Mama喺電視上面出現好怪。」

不過一直開心接受訪問嘅佢,一提到仔仔嘅哮喘發作,就馬上憂心忡忡,一面擔憂嘅佢就表示:「佢氣管好敏感,天氣一有變化,就會有哮喘,醫生都有話如果處理得唔好,會變哮喘,所以而家買咗部機畀佢聞氣。」

佢繼續話:「啱啱同家傭視像,佢話BBQ好似有啲發燒,好想一收工就快啲返屋企,全日都心掛掛!遲啲要開30集長劇都好擔心!」果然系「養兒一百歲長憂九十九」,為天下所有偉大嘅媽媽點贊!

1974年出世嘅車婉婉,喺1992年放暑假返香港嘅時候,通過參加TVB及華星唱片舉辦嘅《新秀歌唱大賽》而入行,憑借一曲《我不得不放棄》捧得冠軍而歸嘅佢備受賞識,次年更開始參與電視劇演出。

要講佢塑造角色印象最為深刻,應該喺《皆大歡喜》中飾演嘅「萬貴妃」一角,雖然狡猾毒辣,但同時又冒出唔少笑料,精湛嘅演出更加系畀觀眾留低咗不可磨滅嘅印象。

除此之外,喺《烈火狂奔》、《天幕下的戀人》、《最美麗的第七天》、《是咁的,法官閣下》等中,均可以睇到車婉婉嘅身影。

據悉,佢喺跟住落嚟嘅新劇《好日子》、《牛下女高音》、《大醬園》中均有份演出,大家不妨一齊拭目以待!

Like MisshkNews Facebook!不出门也能知天下事~

發佈回覆

你的電郵地址並不會被公開。