最近娛樂圈可以講系日日有喜事，自上周喺《TVB萬千星輝頒獎典禮》中TVB小生蕭正楠宣布同花旦黃翠如結婚之后，第二日周勵淇便宣布同內地小生結為夫妻，而喺尋日女神阿嬌都宣布正式注冊升為賴太太！
正所謂喜事連連吖嘛，今日郭富城郭天王喺《第43屆香港國際電影節》擔任大使，接受采訪時佢終于同大家宣布喜訊，認太太方媛成功懷上第二胎！真系恭喜恭喜！ 
其實較早前，就曾被港媒爆出郭富城要再做老豆，郭富城就笑說：“一直大家都好關心呢件事，都收到好多朋友嘅祝福，咁我都講過好多次，希望個女將來會有個細佬或者妹妹。至於系細佬定妹妹就未知道。” 
佢仲繼續話：“我之前都講過叫大家留意住我太太個肚，噉而家見到我太太個肚大咗，就讓一讓佢坐啦！個女見到阿媽個肚變大，都會呵下錫下媽媽嘅。無論系男系女，都系上天嘅安排，系一份恩賜嘅圣誕禮物！” 
雖然郭富城已經唔系第一次做老豆，但系自從太太再次懷孕之后，郭天王似乎一日比一日更“風騷”～除咗話要年年都拍全家福之外，喺上個月又再做馬主賜名“舞士精神”。除此之外，佢重豪擲千萬買限量跑車獎勵自己，加埋一只金色嘅“菠蘿”頭，認真“風騷”！ 
咁太太再有喜，而郭富城都喺《海南島國際電影節》奪得咗“年度男演員”獎，更獲得荷李活影星尊尼普特（Johnny Depp）頒獎，佢都大方“示愛”話：“I love you！”郭富城仲心情大好嘅表示希望有機會一齊合拍一部《海賊王奇遇孫悟空》，單睇名都覺得過癮，東方文化嘅碰撞，唔知系咪真系有落成嘅一日呢？ 
話又返嚟，講到郭富城會否陪入產房嘅時候，郭富城連隨甜笑說：”明年上半年，我都系做巡唱，會易夾時間一啲，我都知寶寶話出嚟就出嚟，我已經做好心理準備，大家放心！” 
郭天王同方媛結婚三年抱兩，而家再懷二胎，真系恭喜恭喜！再次祝賀郭富城再做老豆，期待寶寶嘅到來！
Like MisshkNews Facebook！不出门也能知天下事～
