前「TVB小生」擁有15億身家,直言要享受齊人之福

有唔少鐘意玩女、追女嘅富二代,但真正做到完全公開嘅人,大概只有佢。前「TVB小生」鄧兆尊身邊有三個固定女友,而且佢哋都知對方存在,佢為咗方便出入三頭家,仲讓佢哋住埋同一區。

鄧兆尊同大婆Carmen同住永祥大廈,二奶與前三奶都住喺灣仔區,而新寵新三奶,亦喺佢安排下住喺灣仔區。

不嬲女人緣極旺嘅鄧兆尊,同時擁有三位紅顏知己仲可以和睦共處,相當有本事,仲經常霸氣一拖三女友團出巡,同框幸福畫面司空見慣。

原來鄧兆尊已經拍拖三年嘅三奶Claire和平分手,紅顏突然三缺一,鄧兆尊并冇失落,因為火速有G奶新歡上位,繼續過四人同行一家親生活。

講到鄧兆尊,其實佢老竇係已故「慈善伶王」新馬師曾(鄧永祥),雖然鄧兆尊演藝成就未及老竇輝煌,不過鄧兆尊就遺傳咗老竇多情基因,都係四兄妹中感情生活最多姿多彩嘅一個。

當年,鄧兆尊為咗圓阿媽祥嫂做星媽心愿,入行做咗十幾年嘅茄喱啡,最經典嘅角色莫過於係《皆大歡喜》嘅高爾康。

雖然鄧兆尊一直做茄喱啡,冇機會做擔正做主角,但鄧兆尊嘅愛情運相當好,爸爸新馬師曾有四個老婆,而鄧兆尊都唔差,佢都有三個固定女友。

鄧兆尊身家豐厚,舊年阿媽洪金梅(祥嫂)肺癌過生,有指祥嫂留低15億遺產畀鄧兆尊四兄妹,加埋之前出售永祥大廈同楚留香物業套現,以及宜家仲手持大幅西貢地皮,佢最低有15億身家。

據悉,鄧兆尊講明唔會結婚,話同任何一個女友結婚,另外兩個都會唔開心,亦都同女朋友有共識唔會生小朋友,佢覺得一紙婚書唔代表乜嘢。

鄧兆尊仲話:「最緊要大家相處開心,我雖然多情,但我有情有義,加埋我脾氣好,對女人又肯遷就,每個月都會畀生活費佢哋,亦唔會大細超。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *