前「TVB小生」畀網民欺凌，踢曝當年同富家公子嘅秘密關係

呢排前「TVB小生」麥長青（麥包）喺疫市開店賣和牛，身為佢好友之一嘅湯寶如，佢喺社交網站為其宣傳，本來好心宣傳，最後卻變成麥包畀網民網路欺凌。

湯寶如嘅社交網站上有網民留言話係咪賣包，佢即刻回復：「同你打包」，同網民掀起罵戰，湯寶如畀斥無品，遭大批網民留言攻擊，而麥包無辜牽連。

網友指麥包賣牛無飲食牌照，疑似違例，但麥包澄清自己的確冇飲食牌照但有商業牌，因店主營外賣唔係餐廳，所以唔需要飲食牌照。

除此之外，仲有網民更爆料麥包入行嗰陣嘅黑歷史，當年佢假扮同性戀，居心叵測同富二代何寶生關係密切，目的洗騙財騙色，而對方喺麥包結婚之後更突然出家，關係疏遠。

據悉，當年麥包同何寶生都係TVB當家小生，喺清水灣舊電視城成日出雙入對，食飯同放工都形影不離，雖然當時麥包已經有女朋友，但佢同何寶生嘅關係耐人尋味。

何寶生出生大富之家，佢係香港寶生銀行嘅大少爺，家族總資產高達267億港元，佢讀完TVB藝人訓練班即畀力捧。

1999年麥包結婚，何寶生更擔任伴郎，不過佢哋關係愈見疏離，有傳何寶生喺感情路上大受打擊。

2005年何寶生突然喺大嶼山寶林禪寺出家為僧，法號道生，之後佢行蹤飄忽，云游四海，麥包曾被問及何寶生何去何從，佢坦言都有聯絡，真相係點，就剩得當事人最清楚。